Një vend besimi, shprese dhe bashkimi për kombin tonë shqiptarë.
Mirësevini në Kishën e Shën Abrahamit – Një vend i hapur për lutje, ku besimi i gjallë bashkohet me rikthimin te rrënjët tona historike
Një bashkësi e ndërtuar mbi besimin dhe kujdesin për njëri-tjetrin.
Momente lutjeje dhe shërbesa që forcojnë besimin dhe shpirtin.
Të gjithë janë të mirëpritur të gjejnë paqe dhe përkatësi.
Orari mund të ndryshojë gjatë festave të mëdha
Bashkohuni me ne në eventet e ardhshme të kishës sonë, duke përfshirë meshët, sakramentet dhe aktivitetet që forcojnë besimin dhe bashkësinë tonë.
Ceremonia e pagëzimit për fëmijët dhe besimtarët e rinj që hyjnë në jetën e krishterë. Familjet dhe komuniteti janë të mirëpritur të marrin pjesë.
Një moment hiri për t’u pajtuar me Zotin përmes Sakramentit të Rrëfimit. Mundësi për udhëzim dhe paqe shpirtërore.
Fëmijët e komunitetit tonë do të marrin për herë të parë Kungimin e Shenjtë. Ju ftojmë të bashkoheni me ne për këtë moment të rëndësishëm shpirtëror.
Të rinjtë do të marrin sakramentin e Krezimit, duke forcuar besimin dhe lidhjen e tyre me Kishën dhe Shpirtin e Shenjtë.
Kisha jonë është një bashkësi e hapur, e ndërtuar mbi lutjen dhe shërbimin, ku mirëpresim këdo që kërkon paqe shpirtërore dhe udhëzim.
Kisha jonë është themeluar për t’i shërbyer komunitetit me besim, duke qenë një vend lutjeje, shprese dhe bashkimi ndër vite.
Dëshironi të bëheni pjesë e familjes sonë shpirtërore? Ne jemi këtu për t’ju shërbyer dhe përkrahur në këtë rrugëtim me respekt, mirëkuptim dhe dashuri.
Gjithçka nis me një hap të thjeshtë. Na kontaktoni për të ndarë dëshirën tuaj dhe për të caktuar një takim miqësor me meshtarin tonë.
Në një mjedis të hapur dhe mikpritës, meshtari do t’ju dëgjojë për të kuptuar historinë tuaj jetësore dhe për t’ju udhëhequr me butësi drejt hapave të radhës.
Përmes takimeve të rregullta dhe reflektimit, do të keni mundësi të njihni thellësisht besimin katolik, Fjalën e Zotit dhe bukurinë e traditës së Kishës.
Kurorëzimi i këtij udhëtimi është një moment i shenjtë: marrja e Sakramenteve të Hyrjes (Pagëzimi, Krezmimi dhe Kungimi) dhe mirëseardhja juaj e plotë në bashkësinë tonë.
Për ata që dëshirojnë të konvertohen në fenë krishterë.
Ky është një udhëtim thellësisht personal dhe një zgjedhje e lirë për t’u bërë pjesë e familjes së madhe të Kishës. Nuk është thjesht një ndryshim formal, por një rrugëtim shpirtëror që nis nga kërkimi i së vërtetës, i paqes së brendshme dhe dëshirës për një lidhje të gjallë me Zotin.
Absolutisht po. Kisha i hap dyert dhe i mirëpret me dashuri e respekt të gjithë, pavarësisht traditës shpirtërore apo kulturore nga vijnë. Ky rrugëtim bazohet gjithmonë në liri të plotë, ndërgjegje dhe bindje të brendshme — kurrë në detyrim.
Besimi i krishterë ka qenë në themelet e historisë dhe kulturës së popullit shqiptar që në shekujt e parë. Për shumë njerëz sot, përqafimi i besimit katolik nuk është vetëm një zgjedhje shpirtërore, por edhe një rizbulim i identitetit. Është një rilidhje e natyrshme me trashëgiminë e të parëve tanë dhe me qytetërimin europian, ku vlerat tona u formësuan ndër shekuj.
Udhëtimi drejt pagëzimit kërkon kohën e vet të lutjes, mësimit dhe reflektimit. Nuk ka asnjë nxitim. Përmes bisedave me meshtarin dhe katekizmit, secili person udhëhiqet me kujdes dhe ritmin e tij, për t’u siguruar që vendimi të jetë i pjekur dhe i vetëdijshëm.
Kisha Katolike e njeh pagëzimin e vlefshëm të marrë në komunitete të tjera të krishtera. Në këtë rast, nuk ka nevojë për një pagëzim të dytë; përgatitja juaj do të përqendrohet në marrjen e sakramenteve të tjera (Kungimit dhe Krezmimit) për t’u pranuar plotësisht në bashkësinë katolike.
Gjithçka nis me një bisedë të thjeshtë dhe pa asnjë detyrim. Ju mund të:
Kontaktoni famullinë tonë për një takim personal me meshtarin.
Merrni pjesë në një nga bisedat tona informuese.
Plotësoni formularin e interesit më poshtë për të na lejuar t’ju kontaktojmë ne.
